Qətərin nümayəndələri, Moskvada keçiriləcək ilk Rusiya-Ərəb sammitində əməkdaşlıq, qarşılıqlı anlaşma və regionda sülhə nail olmaq mesajı ilə iştirak edəcəklər.

Xalqcebhesi.az "RİA Novosti"yə istinadən xəbər verir ki, bu barədə Qətər Xarici İşlər Nazirliyinin sözçüsü Məcid əl-Ənsari bildirib.
“Biz sammitə Ərəb-İsrail Münaqişəsinin Həlli üzrə Ərəb Təşəbbüsü əsasında regionda tərəfdaşlıq, qarşılıqlı anlaşma və sülhün bərqərar olması mesajı ilə gələcəyik”, - deyə o bildirib.

Oktyabrın 15-də Moskvada ilk Rusiya-Ərəb sammiti keçiriləcək.Oktyabrın 15-də Yaxın Şərq və Şimali Afrikadakı ərəb dövlətləri, eləcə də Ərəb Liqasına üzv olan Şərqi Afrika ölkələrinin nümayəndələrinin iştirakı gözlənilir.

Məryəm Quliyeva