ABŞ prezidenti Donald Tramp ABŞ-ın digər ölkələrlə birlikdə Qəzza zolağının yenidən qurulmasında iştirak edəcəyini açıqlayıb.

Tramp bu barədə “Fox News” telekanalına müsahibəsi zamanı danışıb.

“Düşünürəm ki, insanların barışmağa başladığını görəcəksiz, Qəzzanın yenidən qurulmasını görəcəksiz. Qəzza ilə bağlı bir çox məsələni həll edəcək sülh şurası yaratmağı ümid edirəm. Onların çox varlı ölkələri var və hətta bu sərvətin kiçik bir hissəsi də onlara orada [Qəzza zolağında] çox şey etməyə imkan verə bilər. Biz bunun bir parçası olacağıq", - Tramp deyib.