ABŞ Milli Qasırğa Mərkəzinin (NHC) çərşənbə günü səhər yaydığı açıqlamaya görə, Melissa Haitidən təxminən 300 mil cənubda yerləşir və küləklərin sürəti saatda 50 milə çatır. Hazırda tufan 3 km/saat (1,9 mil/saat) sürətlə şimala doğru irəliləyir.

Xalqcebhesi.az xəbər verir ki, Melissanın şiddətli yağışı Yamayka və Haitiyə doğru yayılmağa başlayıb. Həftənin sonuna qədər Haitinin cənubunda və Dominikan Respublikasında yağıntının 300 millimetri keçəcəyi gözlənilir. Bu miqdar rayonun dağlıq təbiəti ilə əlaqədar daşqınlara və sürüşmələrə səbəb ola bilər.
Meteoroloqların fikrincə, Melissa hazırda çox isti okean suları üzərində hərəkət edərək, fırtınanı sürətlə gücləndirə biləcək “yanacaq” effekti yaradır. Şənbə günü səhərə qədər onun qasırğaya çevriləcəyi gözlənilir.

Məryəm Quliyeva