Polşa döyüş təyyarələri bu həftə ikinci dəfə Baltik dənizi üzərində kəşfiyyat uçuşu həyata keçirən Rusiya təyyarəsinin qarşısını alıb.

Xalqcebhesi.az-ın məlumatına görə, Polşanın müdafiə naziri və baş nazirin müavini Vladislav Kosiniak-Kamış mətbuat konfransında bildirib ki, Polşa Hərbi Hava Qüvvələrinə məxsus MiQ-29 qırıcıları yerli vaxtla saat 08:49-da Baltik dənizində kəşfiyyat uçuşu həyata keçirən Rusiya ordusuna məxsus İL-20 qırıcı təyyarəsini ələ keçirib.

Kosiniak-Kamış Rusiya təyyarəsinin Polşa hava məkanını pozmadığını və bunun "bu həftə baş verən ikinci belə hadisə" olduğunu bildirib.

Polşaya qarşı təhlükənin ölkənin şərqindən, Rusiyadan gəldiyini bildirən Kosiniak-Kamış, "Bu gün kim anti-Almaniya və Ukrayna əleyhinə çıxışlar edirsə, bu cür fikirlər səsləndirirsə, Polşa dövlətinin maraqlarına zidd hərəkət edir" deyib.

Məryəm Quliyeva