Almaniyanın xarici işlər naziri Yohann Vadeful ABŞ və Rusiyanı yeni nüvə sınaqları keçirməkdən imtina etməyə çağırıb.

APA xəbər verir ki,bu barədə dpa-AFX agentliyi məlumat yayıb.

Diplomatın sözlərinə görə, ABŞ Prezidenti Donald Trampın nüvə silahı ilə bağlı açıqlaması əslində Rusiyanın keçmişdə nüvə mühərrikli sistemlərdən istifadəsinə verilən cavab kimi qiymətləndirilə bilər.

“Trampın bəyanatı daha çox Rusiyanın keçmişdə həyata keçirdiyi nüvə silahı proqramlarına reaksiya təsiri bağışlayır,” – deyə Almaniya XİN rəhbəri qeyd edib.