Yaponiya Hava Özünümüdafiə Qüvvələri Çin pilotsuz təyyarəsinin Tayvan və Tayvanın təxminən 110 kilometr şərqində yerləşən Yonaquni adası arasında uçuşundan sonra qırıcı təyyarələri havaya qalxıb.

Xalqcebhesi.az xəbər verir ki, bu barədə Özünümüdafiə Qüvvələrinin Birləşmiş Qərargah Rəisləri məlumat yayıb.

Qeyd olunur ki, Çin pilotsuz uçuş aparatının uçuşu noyabrın 15-də qeydə alınıb. Yapon tərəfinin bildirdiyinə görə, o, Şərqi Çin Dənizindən (ECS) Tayvan və Yonaquni arasında uçub, Sakit Okeanın üzərindən dövrə vurub və yenidən ECS-ə doğru qayıdıb. "Cavab olaraq, Yaponiya Hava Özünümüdafiə Qüvvələrinin qırıcı təyyarələri havaya qalxıb", - deyə Birləşmiş Qərargah Rəisləri bildirib.

Məryəm Quliyeva