İndoneziyanın Sumatra adasında güclü daşqın və torpaq sürüşməsi nəticəsində ölənlərin sayı 702-yə çatıb, 499 nəfər isə hələ də itkin düşüb.

Xalqcebhesi.az xəbər verir ki, bu barədə İndoneziyanın Milli Axtarış və Xilasetmə Agentliyi məlumat yayıb.

Əvvəlki məlumatlarda ölənlərin sayının 600-ə yaxın olduğu bildirilirdi.

İndoneziyanın Milli Axtarış və Xilasetmə Agentliyinin bildirdiyinə görə, fəlakətə bir həftədən artıqdır ki, bölgəni yağan güclü yağışlar səbəb olub. Sellər yaşayış binalarına, yollara və infrastruktura ziyan vurub, xilasedicilərin ən çox ziyan çəkmiş ərazilərə çatmasını çətinləşdirib.

Məryəm Quliyeva