Rusiya bayrağı altında üzən “Midvolqa 2” gəmisi Gürcüstanın dəniz limanlarına daxil olmaq üçün qeydiyyata alınmayıb.

APA-nın yerli bürosu xəbər verir ki, bu barədə Gürcüstanın Dəniz Nəqliyyatı Agentliyinin yaydığı məlumatda bildirilib.

Qeyd olunub ki, gəminin Gürcüstan limanına istiqamət götürməsi barədə məlumat hər hansı bir fakta əsaslanmayıb.

“Gəminin Türkiyə sahilinin 80 kilometrliyində hücuma məruz qaldığı barədə məlumatlar yayılıb. Həmçinin bildirilib ki, gəminin təyinat limanı Gürcüstan limanıdır. Gəminin Gürcüstanın dəniz limanlarına daxil olması üçün qeydiyyatı aparılmayıb, onun yaxınlaşması barədə “Vahid dənizçilik pəncərəsi” milli sistemində heç bir bildiriş yoxdur”, - məlumatda deyilir.

Qeyd edək ki, Türkiyə Dənizçilik Baş İdarəsi Qara dənizdə Gürcüstana günəbaxan yağı aparan Rusiya gəmisinə dron zərbəsi endirildiyi barədə məlumat yayıb.