Polşa Ukraynanın raket və dron texnologiyaları müqabilində istismardan çıxarılan MiQ-29 qırıcılarını Ukraynaya təhvil verməyə hazırdır.

Xalqcebhesi.az xəbər verir ki, bu barədə Polşa Ordusunun Baş Qərargahının kommünikesində bildirilib.

"MiQ-29 təyyarələrinin təhvil verilməsi ilə bağlı Ukrayna tərəfi ilə danışıqlar davam edir", - sənəddə deyilir. “Eyni zamanda, MiQ-29 təyyarələrinin təhvil verilməsi ilə bağlı Ukraynanın Polşaya seçilmiş raket texnologiyaları və dron texnologiyaları verməsi ilə bağlı danışıqlar aparılır”.
Polşa Baş Qərargahı qeyd edir ki, Polşa Hərbi Hava Qüvvələrinə məxsus MiQ-29-ların istismar müddəti artıq başa çatıb və “onların gələcək modernləşdirilməsi üçün heç bir perspektiv yoxdur”.

“Donanmadan çıxarılan MiQ-29 təyyarələrinin tapşırıqlarını Cənubi Koreyadan alınmış F-16 təyyarələri və yüngül FA-50 qırıcıları yerinə yetirəcək”, - Polşa Baş Qərargahının məlumatında deyilir.

Ukraynaya təhvil verilə biləcək MiQ-29-ların sayı açıqlanmayıb.

Məryəm Quliyeva