Bağdad Ukraynadakı münaqişənin həllinə yönəlmiş bütün səyləri dəstəkləyir və tərəflər arasında dialoqun zəruriliyini vurğulayır.

Xalqcebhesi.az xəbər verir ki, bunu Aşqabadda Beynəlxalq Sülh və Etibar Forumunda çıxışı zamanı İraq prezidenti Əbdüllətif Rəşid deyib.

"Biz Ukraynada hərbi əməliyyatların dayandırılmasına yönəlmiş bütün beynəlxalq səyləri dəstəklədiyimizi bir daha təsdiqləyirik. Biz nizamlanmaya nail olmaq üçün münaqişə tərəfləri arasında dialoqun fəallaşdırılmasının vacibliyini vurğulayırıq", - o qeyd edib.

Prezidentin sözlərinə görə, İraq qlobal səviyyədə "bütün münaqişəli vəziyyətlərin həlli üçün bütün sülh təşəbbüslərini dəstəkləyir" və "bütün ölkələrlə balanslaşdırılmış əlaqələr qurmağa çalışır".

Məryəm Quliyeva