Rusiya xarici işlər naziri Sergey Lavrov Rusiyadakı Amerika Ticarət Palatasının üzvləri ilə görüşüb.

APA-nın Moskva bürosu xəbər verir ki, bu barədə Rusiya Xarici İşlər Nazirliyi məlumat yayıb.

Bildirilib ki, görüş zamanı Lavrov Tramp administrasiyasının Ukraynadakı münaqişənin davamlı həlli istiqamətində nümayiş etdirdiyi səyləri, mövcud beynəlxalq vəziyyətin inkişaf tendensiyalarını, eləcə də Rusiya-Amerika münasibətlərinin perspektivlərini qiymətləndirib..

Tərəflər həmçinin Amerika nümayəndələri ilə Rusiya və ABŞ arasında ticarət və investisiya əlaqələrinin bərpasını müzakirə ediblər.