Avropa müttəfiqləri Rusiyanın Ukraynaya təhlükəsizlik zəmanətləri müzakirələrində iştirak etməsini yalnız ABŞ ilə razılaşma əldə edildikdən sonra tələb edəcəklər.

Bu barədə “Bloomberg“ öz mənbələrinə istinadən məlumat yayıb.

Məlumata görə, Avropa liderləri və ABŞ rəsmiləri yaxın zamanlarda təhlükəsizlik zəmanətləri üzrə razılaşmanı yekunlaşdırmağı hədəfləyirlər. Bu zəmanətlərə, həmçinin müharibədən sonra Ukraynaya ABŞ hərbçilərinin yerləşdirilməsi imkanı da daxil ediləcək.

Bildirilir ki, ABŞ ilə razılaşma Moskvanın sülh sazişi əldə edildikdən sonra Ukraynaya yenidən qoşun yeritməsinin qarşısını alacaq güclü vasitə rolunu oynayacaq.

Mənbələrin bildirdiyinə görə, ABŞ atəşkəs rejiminin monitorinqinə kəşfiyyat məlumatlarının verilməsi ilə dəstək verməyə hazırdır.

Avropa rəsmiləri son danışıqların uğurlu keçdiyini və təklif olunan təhlükəsizlik zəmanətlərinin statusunun yüksək olduğunu bildiriblər. ABŞ-ın kəşfiyyat məlumatları və hərbçi göndərmək təklifi oyun qaydalarını dəyişdirəcək əsas addım kimi qiymətləndirilib. Digər rəsmi isə bunu ABŞ-ın Avropanın son bir il ərzində axtardığı “sığorta səviyyəsi”nə daha yaxın adlandırıb.