Yəmən Prezident İdarəetmə Şurasının üzvü və “əl-Əməlik” briqadalarının komandiri Əbdül Rəhman əl-Məhrami təhlükəsizliyi qorumaq üçün müvəqqəti paytaxt Ədəndə komendant saatı tətbiq etməyi əmr edib.

Bu barədə sənəd AIC televiziya kanalı vasitəsilə ictimaiyyətə çatdırılıb.

"Prezident İdarəetmə Şurasının üzvü komandir Əbdül Rəhman əl-Məhraminin göstərişlərinə əsasən, Ədən quberniyası boyunca saat 21:00-dan 06:00-dək komendant saatı tətbiq edilib", - məlumatda bildirilir.

Orada deyilir ki, bu saatlarda yalnız təhlükəsizlik və hərbi personalın, eləcə də təsdiq edilmiş icazələri olan tibbi və texniki qrupların bölgədə hərəkət etməsinə icazə veriləcək.