Avstraliya Xarici İşlər Nazirliyi ölkə vətəndaşlarına İrandan mümkün qədər tez çıxmağı tövsiyə edib.

Bu barədə Avstraliya Xarici İşlər Nazirliyinin məlumatında qeyd olunub.

Nazirlik xəbərdarlıq edib ki, ölkədə davam edən etirazlar yaxın vaxtlarda İranı tərk etməyi qeyri-mümkün edə bilər.

Məlumatda qeyd olunub ki, hazırda ölkəni tərk etmək üçün kommersiya imkanları mövcuddur, lakin bu imkanlar getdikcə məhdudlaşır. Xəbərdarlıqda vurğulanıb ki, hava məkanının bağlanması və uçuşların ləğvi istənilən vaxt baş verə bilər və bu halda sonradan İrandan çıxmaq mümkün olmayacaq.

Nazirlik, eyni zamanda, bildirib ki, tövsiyəyə baxmayaraq İranda qalmağa qərar verən şəxslər öz təhlükəsizliklərinə görə tam məsuliyyət daşıyırlar. Avstraliya hökuməti belə şəxslərə uzunmüddətli sığınacağa hazır olmağı, kifayət qədər su, qida və dərman ehtiyatlarının təmin edilməsini tövsiyə edib.