İsrail təhlükəsizlik kabineti bu gün Qəzza ilə Misir arasındakı Rəfah sərhəd keçid məntəqəsinin yaxın gələcəkdə yenidən açılması ilə bağlı görüş keçirəcək.

APA xəbər verir ki, bu barədə The Times of Israel məlumat yayıb.

Məlumata görə, bu məsələ beynəlxalq səylərin, xüsusilə ABŞ-ın təzyiqlərinin fonunda aktuallaşıb.

Qeyd edilir ki, ABŞ və digər vasitəçilər sərhəd keçidinin açılmasını sülh sazişinin ikinci mərhələsinin irəliləməsi üçün vacib addım hesab edirlər, lakin bir sıra israilli rəsmilər hələ də son girovun – Ran Qviliinin cəsədi geri qaytarılmayana qədər keçidin açılmasını istəmirlər.