İsrail ordusunun Livanın cənub bölgəsinə daxil olmasına icazə verilib.

APA “The Times of Israel”ə istinadən xəbər verir ki, bu barədə İsrailin müdafiə naziri İsrael Katz bildirib.

O, İsrailə qarşı atəş açılmasının qarşısını almaq üçün Baş nazir Benyamin Netanyahu ilə birgə İsrail ordusuna Livanda irəliləmək və əlavə əraziləri ələ keçirməklə bağlı icazə verdiyini bəyan edib.

Qeyd edək ki, Hizbullah Livanın cənubundan İsrailə dron və raket hücumları həyata keçirib.