Ermənistanın prezident Serj Sarkisyan haqqında daha bir müəmmalı sənəd yayılıb. Ermənistan saytlarında yer alan "Serj Sarkisyanın Ağdam və Bakı vaxtları: Sarkisyanın rəsmi tərcümeyi-halında olan yeni səhvlər" adlanan məqalədə bir sıra uyğunsuzluqlar göstərilib.
Sayt yazır ki, prezidentin rəsmi səhifəsində yerləşdirilən tərcümeyi halla, mövcud sənədlər uyğunsuzluq təşkil edir. Sarkisyanın rəsmi saytında qeyd olunur ki, o, 1979-cu ildə Xankəndində gənclərlə iş komitəsində şöbə müdiri işləyib. Buna baxmayaraq, Xankəndində işləyən Sərkisyan komsomol biletini Ağdam rayonundan alıb. 1982-ci ilin mayından dekbrına qədər ora üzvlük haqqı ödəyib.
Buradan belə nəticəyə gəlmək olur ki, Sarkisyan həmin vaxt, Xankəndində yox, Ağdamda işləyib. Amma bu məqsədli şəkildə gizlədilib və burada müəyyən saxtakarlıq var.
Həmçinin Sarkisyana verilən komsomol biletində onun atasının adının göstərilməməsi müəmma yaradıb: "Sarkisyanın doğma atası kimdir?"
Sarkisyanın rəsmi bioqrafiyası ilə bağlı daha bir saxtakarlıq ortaya qoyulub. Əslində o, 1988-ci ilə qədər kommunist olub. Ancaq onun tərcümeyi halında bu hissə çıxarılıb və inkar edilib.
Sayt sonda qeyd edir ki, bütün bunlar onun hakimiyyətə gəlməsi üçün atılan addımlar olub. Buna görə də onun əsl atasının kim olması gizlədilir.