Şəmkirdə bıçaqlanma hadisəsi baş verib.

APA-nın yerli bürosunun məlumatına görə hadisə rayon ərazisində qeydə alınıb.

Belə ki, rayon sakinləri 2005-ci il təvəllüdlü Kazım Əliyev və 1999-cu il təvəllüdlü Sübhan Əliyev bıçaq xəsarəti ilə xəstəxanaya yerləşdirilib.

Dərhal hər iki şəxsə yardım edilib, vəziyyətlərinin kafi olduğu bildirilir.

Araşdırma zamanı məlum olub ki, əmi oğlanları olan həmin şəxsləri həmyerliləri olan Şəmkir şəhər sakini 1984-cü il təvəllüdlü Ehtiram Hüseynov aralarında baş verən münaqişə zəminində bıçaqlayıb.

Faktla bağlı araşdırma aparılır.