“26 avqust 2025-ci il tarixində Kəlbəcər şəhərinin 1-ci yaşayış məhəlləsində mənzillərdən birində qaz təchizatının yoxlanışı zamanı sözügedən hadisə baş vermişdir. Heç bir dağıntı və ya yanğın baş verməmişdir. Yoxlanışı həyata keçirən 3 məsul şəxs və 1 nəfər mənzil sahibi yüngül xəsarət almışdır. Yaralılara dərhal tibbi yardım göstərilmiş, həyatları üçün hər hansı bir təhlükə mövcud deyildir.”

APA xəbər verir ki, bu sözlər Kəlbəcər rayonu Bərpa, Tikinti və İdarəetmə Xidmətinin məsələ ilə bağlı sorğuya cavabında öz əksini tapıb.

Bildirilib ki, hazırda hadisənin səbəblərinin müəyyənləşdirilməsi istiqamətində müvafiq qurumlar tərəfindən araşdırma aparılır.

***

22:49

Kəlbəcərdə yanıq xəsarətləri alanların adları məlum olub.

APA-nın yerli bürosunun məlumatına görə xəsarət alanlar Yevlax rayon sakini 2001-ci il təvəllüdlü E. Ələkbərov, Gəncə şəhər sakini 1983-cü il təvəllüdlü N. Şükürov, Bakı şəhər sakini 1977-ci il təvəllüdlü K. Əzimov və Samux rayon sakini 1991-ci il təvəllüdlü M. Sadıqzadədir.

Məlumata görə xəsarət alanlar ustadırlar və onlar Kəlbəcərdə yeni tikilən binalara qaz çəkən zaman partlayış olub.

Faktla bağlı araşdırma aparılır.

***

22:37

Kəlbəcərdə qaz partlayışı olub.

APA-nın yerli bürosunun məlumatına görə hadisə rayon ərazisində qeydə alınıb.

Hadisə nəticəsində 4 nəfər yanıq xəsarəti alaraq xəstəxanaya yerləşdirilib.

Hadisənin təfərrüatları ilə bağlı hələ ki, heç nə məlum deyil.