Bu ilin payızında Ağdam şəhərinə ilk köç təşkil olunacaq.

"APA-Economics" xəbər verir ki, bunu Ağdamda Bakı–Ağdam–Bakı marşrutu üzrə dəmir yolu sərnişin qatarının açılışına həsr olumnuş mərasim zamanı Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsi Emin Hüseynov bildirib.

Onun sözlərinə görə, Ağdam şəhərində bərpa işləri sürətlə aparılır.

"Şəhərdə ciddi infrastruktur işləri həyata keçirilir. Ağdam şəhərinə növbəti aylarda, payız aylarında ilk köçə başlanılacaq", - Emin Hüseynov qeyd edib.

O əlavə edib ki, 2026-cı ilin sonuna qədər artıq Ağdam şəhərinin tarix mərkəzi hissəsi tam bərpa olunacaq və əhalinin istifadəsinə hazır olacaq.