Azərbaycan işğaldan azad olunan ərazilərdə vacib olan baza infrastrukturu özü təmin edir.

“APA-Economics” xəbər verir ki, bunu jurnalistlərə açıqlamasında Prezidentin Ağdam, Füzuli və Xocavənd rayonları üzrə xüsusi nümayəndəsi Emin Hüseynov deyib.

O bildirib ki, Azərbaycan heç bir kənar yardım olmadan dövlət tərəfindən böyük miqyaslı yatırımlar həyata keçirir:

"Bu gün Qarabağın özünün turizm potensialını, təbiətini, kənd təsərrüfatını, sənaye sahəsini nəzərə alsaq xarici investorlar üçün əlverişlidir. Qarabağın hər bölgəsinin özünəməxsus potensialı var. Bununla da biz investorları oraya cəlb edə bilərik".