İqtisadiyyat Nazirliyinin sifarişi ilə "Azərkosmos" ölkənin 30-50 sm görüntülü peyk təsvirlərini hazırlayır.

“APA-Economics” xəbər verir ki, bunu "Kosmosdan gələn imkanlar: Kosmik müşahidəmizin sosial-iqtisadi inkişafa töhfəsinin 10 ili" adlı tədbirində İqtisadiyyat Nazirliyinin şöbə müdiri Anar Nərimanov deyib.

O bildirib ki, sözügedən peyk təsvirləri əsasında ölkənin müxtəlif relyef xəritələri hazırlanacaq:

“Bu da təkcə İqtisadiyyat Nazirliyi üçün deyil, bütün dövlət qurumları, dövlət təşkilatları, sahibkarlıq subyektləri və vətəndaşlara açıq resursa çevriləcək. Bu təsirlərdən Milli Məkan Məlumatları İnfrastrukturunun qurulmasında istifadə ediləcək”.