Keçən il 990 hüquqi və fiziki şəxsin 1523 texnoloji nəqliyyat vasitəsi dövlət qeydiyyatına alınıb.

APA xəbər verir ki, bu barədə Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin rəisi Vüsal Ağayev 2025-ci il ərzində görülmüş işlərə dair mətbuat konfransında bildirib.

O qeyd edib ki, 795 hüquqi və fiziki şəxsin 2016 texnoloji və digər mexaniki nəqliyyat vasitəsinə texniki baxış həyata keçirilib. 48 hüquqi və fiziki şəxsə məxsus 248 nəqliyyat vasitəsi təkrar qeydiyyata alınıb, 192 hüquqi və fiziki şəxsin isə 292 nəqliyyat vasitəsi qeydiyyatdan çıxarılıb.