İslam İnqilabı Keşikçiləri Korpusu (SEPAH, İran Silahlı Qüvvələrinin elitar bölmələri) Küveyt limanındakı Amerika desant katerlərinə, Bəhreyndəki radar stansiyasına və İsrailin "Ramat-David" avia-bazasına zərbələr endirdiyini bildirib.

Xalqcebhesi.az xəbər verir ki, İran dövlət teleradio şirkəti SEPAH-ın bəyanatını sitat gətirib: "Bu əməliyyatın birinci mərhələsində Küveytin Şuvayx limanında Amerika desant gəmilərinin (LCU) toplandığı yer ballistik raketlərlə məhv edilib. Növbəti mərhələdə Bəhreyndəki 'Cəbəl əd-Duxan' radar stansiyasında yerləşdirilən AR-327 üçkoordinatlı erkən xəbərdarlıq radarı pilotsuz uçuş aparatlarının hücumu nəticəsində vurularaq sıradan çıxarılıb".

İddia olunur ki, hücumun digər mərhələsində İran Silahlı Qüvvələri İsrailin F-16 qırıcı eskadrilyalarının yerləşdiyi "Ramat-David" avia-bazasına da zərbə endirib.

Məryəm Quliyeva