Hazırda Bakıda və Abşeron yarımadasının bəzi yerlərində dumanlı hava şəraiti müşahidə olunur. Dumanda görmə məsafəsi 55 metrədək məhdudlaşır. Dumanın əmələ gəlmə səbəbi gündüz temperaturun yüksək olması, gecə isə yerüstü təbəqəyə enməsidir.

Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova məlumat verib.

Gülşad Məmmədova dumanlı hava şəraitinin fevralın 18-i gündüzədək fasilələrlə davam edəcəyini diqqətə çatdırıb.