Xilasedicilər 11 noyabrda Gürcüstanda qəzaya uğrayan Türkiyə Hərbi Hava Qüvvələrinə məxsus C-130 hərbi nəqliyyat təyyarəsinin uçuş məlumatları qeydə alınan cihazını tapıblar.

Xalqcebhesi.az xəbər verir ki, bu barədə NTV telekanalı məlumat yayıb.

Televiziya şirkətinin müxbirinin axtarış saytından verdiyi məlumata görə, qara qutu dekodlanması üçün Türkiyəyə göndəriləcək ki, bu da hadisənin təhqiqatına kömək edəcək. NTV-nin məlumatına görə, fövqəladə hadisə yerində 40-a yaxın türkiyəli mütəxəssis işləyir, hərbçilər də oradadır.

Bildirilir ki, indiyədək təyyarədə olan 20 hərbçidən 19-nun cəsədi tapılıb.

Məryəm Quliyeva