Türkiyənin xarici işlər naziri Hakan Fidan NATO-nun baş katibi Mark Rutte ilə Ukraynada nizamlanma üçün danışıqlar prosesini müzakirə edib.

Xalqcebhesi.az xəbər verir ki, bu barədə TASS-a Türkiyə Xarici İşlər Nazirliyindəki mənbə bildirib və qeyd edib ki, Fidan və Rutte arasında görüş Brüsseldə NATO xarici işlər nazirlərinin görüşü çərçivəsində baş tutub.

"Nazirlə NATO-nun baş katibi arasında keçirilən görüşdə Ukrayna və Rusiya arasında müharibənin dayandırılmasına yönəlmiş danışıqlar prosesi müzakirə olunub. Tərəflər Qara dənizdə təhlükəsizlik məsələlərini də müzakirə ediblər", - mənbə bildirib.
Fidan və Rutte həmçinin “2026-cı ilin iyulunda Ankarada keçiriləcək NATO sammitinə hazırlıq və Türkiyə müdafiə sənayesinin NATO üzv ölkələrinin inkişafına verdiyi töhfə” məsələlərini də müzakirə ediblər.

Məryəm Quliyeva