Suriya Müdafiə Nazirliyi, PKK/YPG terror təşkilatının Suriyadakı qolu olan Suriya Demokratik Qüvvələrinə (SDF) aid obyektlərə edilən hücumların dayandırıldığını açıqlayıb. Eyni zamanda, SDF də Suriya ordusuna qarşı hücumları dayandırmaq qərarına gəldiyini bəyan edib.

Xalqcebhesi.az xəbər verir ki, Suriya ordusu ilə PKK/YPG-nin Suriyadakı qolu olan Suriya Demokratik Qüvvələri (SDF) arasında dünən başlayan qarşıdurmalar başa çatıb. Suriya Müdafiə Nazirliyi bildirib ki, PKK/YPG-nin Suriyadakı qolu olan SDF-ə aid hədəflərə edilən zərbələr dayandırılıb. Bu qərarın toqquşmaların mülki ərazilərdən uzaq tutulması məqsədilə verildiyi bildirilib. Nazirlik, Suriya ordusunun bu gün yalnız xalqı qorumaq və müdafiə etmək vəzifələrini yerinə yetirdiyini, atəş mənbələrinə cavab verdiyini və nəzarət xətlərini dəyişdirmək üçün heç bir addım atmadığını açıqlayıb.

SDF daha sonra bəyanat yayıb və gərginliyin azaldılmasına yönəlmiş təmaslardan sonra Suriya hökumət qüvvələrinə qarşı qisas almağı dayandırdıqlarını bildirib. Dünən SDF, Hələb şəhərinin müxtəlif məhəllələrinə minaatan, raket atıcıları və ağır pulemyotlardan istifadə edərək hücumlar təşkil edib. Mülki əraziləri və Hələbdəki Əl-Razi Xəstəxanasını hədəf alan hücumlardan sonra 2 nəfər ölüb, 9 nəfər yaralanıb. Daxili təhlükəsizlik qüvvələri, mülki şəxsləri təxliyə etmək və onların təhlükəsizliyini təmin etmək üçün tədbirlər görüb.

Məryəm Quliyeva