Müştərilərin hüquqlarının qorunması ilə bağlı yeni qaydaların üzərində işləyirik.

"APA-Economics" xəbər verir ki, bunu Azərbaycan Mərkəzi Bankının (AMB) Baş direktoru Şahin Mahmudzadə bildirib.

O vurğulayıb ki, müştəri hüquqlarının qorunması, kibertəhlükəsizliklə bağlı bankların üzərinə kifayət qədər tələblər qoyulub: "Hazırda bu istiqamətdə başqa hansı alətlərin tətbiq olunması ilə bağlı araşdırmalar aparırıq. Eyni zamanda, kibercinayətkarlıq halları ilə bağlı rüblük olaraq statistikanı açıqlamağa başlayacağıq".