“Bizə qarşı aparılan sistemli kampaniyanın yalnız bir məqsədi var: qələbəmizi əlimizdən almaq, mümkün olmadıqda onu kiçiltmək, xalqın gözündən və dəyərdən salmaq, məkrli planlar vasitəsilə ona zərbə vurub regionu beynəlmiləl toqquşma meydanına çevirmək, xaosla dövlətləri idarə etmək...”.
Xalqcəbhəsi.az xəbər verir ki, bunu Sosial Tədqiqatlar Mərkəzinin (STM) sədri, millət vəkili Zahid Oruc deyib.
Z.Oruc əlavə edib ki, “qlobal layları tərpətmişik”-deyərkən, ölkə başçısı məhz bunu nəzərdə tuturdu: “Göründüyü kimi, dövətlər, siyasi qüvvələr fərqli olsa da hamısı bir məramda birləşir-Vətən müharibəsi nəticəsində regionda baş verən geosiyasi inqilabın nəticələrini qəbul etmirlər. Daha doğrusu, alışırlar ki, ölkəmizi Cənubi Qafqazda yeni arxitektura qurmağa qoymasınlar. O üzdən, qələbəmizdən sonra İlham Əliyev təkcə Azərbaycanın deyil, bütün qonşu xalqların mənafeyini müdafiə edərək, “əlinizi bölgəmizdən çəkin, imkan verin insanlar rahat nəfəs alsınlar”,-deyərək, Qafqazda nizamın, sülhün və dincliyin əleyhinə olan dövlətlərə sərt çağırış etmişdi. Bəli, biz qalib dövlət kimi yeni status qazanan, Yüksələn Regional Gücük”.

Xalqcəbhəsi.az