Çin və Azərbaycan sıx əməkdaşlıq edir.

APA-nın Çinə ezam olunmuş əməkdaşının verdiyi xəbərə görə, bunu jurnalistlərə açıqlamasında Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev bildirib.

Hikmət Hacıyev bildirib ki, Çin Qlobal Cənub ölkələri üçün texnoloji əlçatanlığı da təmin edir. Çin və Azərbaycan arasında ticarət dövriyyəsinin 40 faiz artdığına diqqət çəkən Hikmət Hacıyev qeyd edib ki, bu, son hədd deyil: “Azərbaycan və Çin ikitərəfli iqtisadi və ticarət əməkdaşlığını daha da inkişaf etdirməyə davam edəcək. Bu əməkdaşlıq hazırda süni intellekt, bərpa olunan enerji, rəqəmsal transformasiya sahələrini də əhatə edir”.

Orta Dəhlizin potensialından geniş istifadə baxımından Çin-Azərbaycan əməkdaşlığının önəminə diqqət çəkən Hikmət Hacıyevin sözlərinə görə, Ermənistan-Azərbaycan sülh sazişində yer alan və Zəngəzurdan keçən dəhlizinin açılışı Orta Dəhlizin imkanlarından daha geniş istifadəni təmin edəcək.