Bakı-Ağdam-Bakı marşrutu üzrə ilk qatarın fəaliyyətə başlaması azad edilmiş ərazilərə Böyük Qayıdışın çox vacib simvoludur.

"APA-Economics" xəbər verir ki, bunu Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsi Emin Hüseynov jurnalistlərə açıqlamasında bildirib.

Onun sözlərinə görə, Ağdam Avtovağzal və Dəmir Yolu Vağzalının digər özəlliyi ondan ibarətdir ki, ölkədə ilk dəfə olaraq qatar daxili platformaya daxil olur.

"Bu gün Bakı-Ağdam qatarı ilk dəfə fəaliyyətə başlayıb. Həqiqətən xalqımız, Azərbaycan üçün çox böyük sevicli bir gündür", - Emin Hüseynov qeyd edib.

O əlavə edib ki, artıq Ağdamdan şəhərindən azad edilmiş digər ərazilərə avtobus reyslərinin açılması ilə bağlı Rəqəmsal İnkişaf və Nəqliyyat Nazirliyi tərəfindən işlər aparılır.