“Azərbaycan Prezidenti cənab İlham Əliyevin “Avropa Siyasi Birliyi”nin 6-cı Zirvə toplantısına qatılması, orada keçirdiyi görüşlər, ümumiyyətlə, bütün o proses Azərbaycanın, onun liderinin Avropa liderləri arasındakı nüfuzunu və çəkisini bir daha göstərmiş oldu”.

Bunu Xalqcebhesi.az-a açıqlamasında Cross Media Təhlil Mərkəzinin analitiki, siyasi şərhçi Mübariz Göyüşlü deyib.

M.Göyüşlü əlavə edib ki, toplantıda cənab Prezidentin dəvət olunmasından tutmuş onun davranışları, ona olan münasibət, hətta düşmən ölkənin başçısı Paşinyanın belə heyranlıqla cənab Prezidentə yaxınlaşaraq onunla ünsiyyət qurmaq cəhdi göstərdi ki, İlham Əliyev, onun siyasəti, davranışları, liderlik qabiliyyətləri Avropa liderləri arasında belə etiraf olunur, qəbul olunur və çox parlaq bir şəkildə təzahür edir.

Röya İsrafilova