Zəngəzur Dəhlizi sadəcə klassik bir infrastruktur layihəsi deyil; o, türk dünyasının iqtisadi və diplomatik inteqrasiyasını təcəssüm etdirir.

Bunu xalqcebhesi.az-a beynəlxalq ılaqələr üzrə Mütəxəssis Mehmet Gökhan Özçubukçu deyib.

O, qeyd edib ki, Türkiyə və Azərbaycanın liderliyi ilə həyata keçirilən bu təşəbbüs Orta Dəhlizin effektivliyini artırır və Avropa və Mərkəzi Asiyaya strateji bir qapı rolunu oynayır.

Regional aktyorların (Rusiya, İran) və qlobal güclərin (ABŞ, AB) incə balansına görə, layihə yalnız fiziki infrastrukturu deyil, həm də diplomatik, hüquqi və təhlükəsizlik ölçülərini əhatə edən vahid bir yanaşma tələb edir:

"TRIPP kimi yeni təşəbbüslər dəhlizin beynəlxalq ölçüsünü və iqtisadi potensialını gücləndirir, eyni zamanda riskini və rəqabət qabiliyyətini artırır.
Nəticə olaraq, Zəngəzur dəhlizinin uğuru Türk dünyasının iqtisadi inteqrasiya məqsədləri, regional inkişafı və strateji mövqeyi üçün vacibdir. Bu layihə təkcə logistik tranzit yolu deyil, həm də 21-ci əsrdə Türk dünyasının ortaya çıxan strateji və iqtisadi oxunun simvolu olacaq".

Cavid