Azərbaycanın müstəqilliyinin ilk dövrlərində üzləşdiyi çoxsaylı çətinliklərin həllində böyük rolu olan Ümummilli Lider Heydər Əliyev, həmçinin ölkənin müstəqilliyi, suverenliyi, iqtisadi, siyasi və mədəni inkişafı üçün əvəzsiz xidmətlər göstərmiş böyük dövlət xadimidir. O, qurucu bir liderdir.

AZƏRTAC xəbər verir ki, bu sözləri jurnalistlərə açıqlamasında Türkiyənin Azərbaycandakı səfiri Birol Akgün söyləyib.

Onun fikrincə, bugünkü Azərbaycan böyük ölçüdə Ümummilli Liderin əsəri kimi qiymətləndirilə bilər.

“Bizim üçün Ulu Öndər Heydər Əliyev Türkiyənin və Azərbaycanın tarixi qardaşlığının yenidən möhkəmləndirilməsində xüsusi xidmətlər göstərmiş bir liderdir. “Bir millət, iki dövlət” şüarını ifadə edən və bu gün bizə miras qoyan da məhz o olub”, - deyə səfir vurğulayıb.