Ədalət, Hüquq, Demokratiya (ƏHD) Partiyasının sədri, millət vəkili Qüdrət Həsənquliyev parlamentin bu gün keçirilən plenar iclasında çıxış edib, “Yol hərəkəti haqqında” və “Avtomobil yolları haqqında” qanunlarda dəyişiklik edilməsi barədə qanunun layihəsinin birinci oxunuşda müzakirəsi zamanı fikirlərini bölüşüb.
Xalqcəbhəsi.az xəbər verir ki, millət vəkili bildirib:
“Qısa olaraq onu qeyd etmək istəyirəm, avtomagistral anlayışı verilir, burada qeyd olunur ki, hər 50 kilometrdən çox olmayan məsafədə xüsusi istirahət yerləri və dayanacaq meydançaları ilə təchiz edilən yoldur. Yəqin ki, Avropada hər birimiz bunu müşahidə etmişik ki, bu cür xüsusi istirahət və dayanacaq meydançalarında bir qayda olaraq texniki xidmət yerləri olur və bir də yanacaq doldurma stansiyaları. Ona görə də bura bu iki anlayışı da daxil etsək hesab edirəm ki, çox doğru olar. Digər dəyişiklikləri müdafiə edirəm, səs verəcəyəm”.