Rusiya Ermənistanın xahişi ilə Azərbaycan və Türkiyə ilə əlaqə üçün dəmir yolu xətlərinin bərpası üzrə danışıqlara başlayır.

APA-nın Moskva bürosu xəbər verir ki, bunu Rusiya Baş nazirin müavini Aleksey Overçuk bildirib.

Onun sözlərinə görə, bu, Rusiya Federasiyasını Aralıq dənizi, Fars körfəzi və Hind okeanı limanlarına çıxışını təmin edəcək.

“Rusiya Qafqazda bütün pozulmuş marşrutların blokdan çıxarılması üzərində işləyir”, - Overçuk vurğulayıb.

Overçuk qeyd edib ki, Moskva və İrəvan Ermənistan iki, Türkiyə və Azərbaycanla birləşdirən dəmiryolu hissəsinin bərpası üçün texniki və maliyyə şərtlərini qiymətləndirəcəklər.

Rusiya Baş nazirinin müavini əlavə edib ki, qərar Ermənistan tərəfinin müraciətindən sonra verilib: "Yerask və Axuryan yaxınlığındakı dəmir yolu hissələrinin ümumi uzunluğu müvafiq olaraq 1,6 km və 12,4 km-dir. Danışıqlar bu layihənin həyata keçirilməsi üçün texniki, maliyyə və digər üsulları müəyyən edəcək. Dəmir yolu hissələrinin bərpası Rusiyaya Naxçıvan Muxtar Respublikası ilə birbaşa dəmir yolu əlaqələri, Türkiyəyə Aralıq dənizi limanlarına çıxış və İrana Körfəz və Hind okeanındakı limanlara çıxış təmin edəcək".