Paytaxtda baş tutan XI ARPACHAY OPEN beynəlxalq karate turniri çərçivəsində “Combat” Peşəkar Döyüş Liqasının prezidenti Ruslan Məmmədov idmana göstərdiyi dəstəyə və verdiyi töhfələrə görə Azərbaycan Karate Federasiyasının prezidenti, millət vəkili Ülvi Quliyev tərəfindən "III dan fəxri qara kəmər"lə təltif edilib.

Qeyd edək ki, şəhidlərimizin əziz xatirəsinə həsr olunmuş ARPACHAY OPEN beynəlxalq karate turniri 30–31 yanvar və 1 fevral tarixlərində Sərhədçi İdman Mərkəzində keçirilib. Turnirdə 1300-ə yaxın, o cümlədən 12 xarici ölkədən 100-dən çox idmançı iştirak edib.