ABŞ Prezidenti Donald Tramp 11 nəfərin əfv edilməsi haqqında fərman imzalayıb ki, onlardan da 9-u təmiz hava haqqında qanunun pozulmasına görə məhkum olunub.

Xalqcebhesi.az xəbər verir ki, bu barədə Ağ Evin rəsmisinə istinadən "Reuters" agentliyi məlumat yayıb.

Həmin doqquz məhkuma yük avtomobillərində emissiyalara nəzarət sistemlərini dəyişdirmək və ya söndürmək ittihamı irəli sürülmüşdü.

Bundan əvvəl Trampın ABŞ-ın 250 illik yubileyi münasibətilə 250 nəfəri əfv etməyi planlaşdırdığı barədə məlumat yayılmışdı. Əfv qərarının Ağ Ev rəhbəri tərəfindən Müstəqillik Günü və ya Bayraq Günündə elan edilə biləcəyi gözlənilir. Bununla bərabər, qeyd olunur ki, bu təşəbbüsün müzakirəsi hələlik ilkin mərhələdədir.

Məryəm Quliyeva