İsrail bugünkü çətin geosiyasi şəraitdə Rusiyanın Yaxın Şərq regionunda mühüm tərəfdaşı olaraq qalır.

Xalqcebhesi.az xəbər verir ki, bu sözləri Rusiyanın Təl-Əvivdəki səfiri Anatoli Viktorov deyib.

"Qəzza zolağında saxlanılan bütün girovların, ilk növbədə soydaşlarımızın azad edilməsi də daxil olmaqla, aktual humanitar problemlərin həlli istiqamətində səylərimiz bir gün də dayanmayıb. Bu istiqamətdə konkret nəticələr əldə etmək mümkündür", - səfir bildirib.

Rusiya istənilən terror aktını, o cümlədən HƏMAS-ın 2023-cü il oktyabrın 7-də İsrail ərazisindəki hərəkətlərini pisləyir, lakin dinc əhali arasında kütləvi itkilərə səbəb olan qeyri-mütənasib güc tətbiqi təəssüf və qınaq doğurmaya bilməz”, - Viktorov bildirib.