Oktyabrın 20-də ABŞ-da dünyasını dəyişən FETÖ lideri Fətullah Gülənin vəsiyyəti ortaya çıxıb. Sosial mediada yayılan paylaşımda oktyabrın 26-da F.Gülənə məxsus çamadan və çantanın bacı və qardaşı Fəzilət Korucuk və Məsih Gülən, qohumları Adəm Kalaç, Əhməd Qurucan, Cövdət Türkyolu, Kamal Gülən, Məhəmməd Yaşılyurd, Numan İgid və Abdullah Aymaz tərəfindən açıldığı bildirilib.

Xalqcebhesi.az xəbər verir ki, bu barədə Türkiyənin “Yenicağ gazetesi” məlumat paylaşıb.

Məlumatda çantanın içində FETÖ-nün kitablarının müəllif hüquqlarının “Cascade Trust” adlı bir vəqfə verdiyinə dair etibarnamənin olduğu qeyd olunub. Bildirilib ki, vəqfin yaradılmasında məqsəd F.Gülənin fikirlərini incələyən, həyata keçirən təhsil müəssisələrində yayılmasını yönləndirməkdir.

Açıqlamaya görə, F.Gülənin əşyaları aşağıdakılardır:

Kitab qonorarlarından qalan 20 min 20 dollar,

Kəfən pulu olaraq ayrılan 2 min dollar,

Hədiyyə olaraq istifadə edilmək üçün 12 min 640 dollar dəyərində qızıl,

Yazıldığı dönəmdə borclarının ödənilməsini istədiyi vəsiyyətnamə,

Kitab müəllif hüquqlarının bir vəqfə bağışlandığını göstərən etibarnamə,

1 zəncirli saat, 1 kostyum, şəxsi əşyalar və şəxsiyyəti təsdiq edən sənədlər.

Qeyd edək ki, FETÖ lideri F.Gülənin oktyabrın 20-də ABŞ-də müalicə aldığı xəstəxanada təbii səbəblərdən öldüyü açıqlanmışdı. Onun dəfn mərasimi 25 oktyabr 2024-cü ildə keçirilib. FETÖ lideri 25 ildir yaşadığı Pensilvaniyadakı fermasında dəfn edilib.