İndonzeziyada bir sıra şəhərlərdə etiraz aksiyaları başlayıb.

APA“Al Arabiyya”yə istinadən xəbər verir ki, buna səbəb polisə məxsus zirehli maşının kuryerin üzərindən keçərək onu əzməsi olub.

Etirazçılar paytaxt Cakartada polis qərargahına hücum ediblər və sözügedən obyektə daxil olmağa çalışıblar.

Polis etirazçıları dağıtmaqdan ötrü su şırnaqlarından istifadə edib.

Etirazlar İndoneziyanın Surabaya, Solo, Medan, Makassar, Manado və bir sıra digər şəhərlərində də baş verib.

Qeyd edək ki, 21 yaşlı kuryer motorsikılla evə qayıdarkən polislə hökumətə qarşı çıxan etirazçılar arasında ilişib, sonra isə polisə məxsus zirehli maşın onun üstünə sürülüb və üzərindən keçib.