Pakistan Hərbi Dəniz Qüvvələri gəmidən yerli istehsal edilmiş ballistik raketi sınaqdan keçirib.

Xalqcebhesi.az xəbər verir ki, bu barədə Pakistan mediası məlumat yayıb.

Prosesi Pakistan Hərbi Dəniz Qüvvələrinin Baş Qərargah rəisi Navid Əşrəf, Pakistan Hərbi Dəniz Qüvvələrinin yüksəkrütbəli zabitləri izləyiblər.

Bildirilib ki, 350 kilometr mənzilli raket quru və dəniz hədəflərini yüksək dəqiqliklə vurmağa qadirdir. Sistem istiqamətini və sürətini dəyişmək xüsusiyyətlərinə malik qabaqcıl naviqasiya ilə təchiz olunub.