İsrailin xarici işlər naziri Gideon Saar X hesabında paylaşım edib.

Xalqcəbhəsi.az-ın “Anadolu” Xəbər Agentliyinə istinadən məlumatına görə, o, Makronun iyun ayında həmsədrlik edəcəkləri iki dövlətli həllə bağlı beynəlxalq konfransda Fələstin dövlətini tanıya biləcəklərinə dair açıqlamasına reaksiya verib: “Bu cür hərəkətlər sülh, təhlükəsizlik və sabitliyi regionumuza yaxınlaşdırmayacaq, əksinə, daha da uzaqlaşdıracaq. Xəyali Fələstin dövlətinin təktərəfli qaydada tanınması terroru dəstəkləmək və HƏMAS-ı mükafatlandırmaqdan başqa bir şey olmayacaq".

Fransa Prezidenti Makron Misirə iki günlük səfərindən sonra France 5 telekanalına müsahibəsində deyib: "Biz Fələstini tanımağa doğru irəliləməliyik və buna yaxın aylarda nail ola bilərik".