Yəməndə İranın dəstəklədiyi husilərə qarşı hücumlarını davam etdirən ABŞ ordusu bu dəfə ölkənin paytaxtı Sənanın əl-Fərvə bölgəsini hədəf alıb.

Husilərə bağlı media orqanının məlumatına görə, bazar yaxınlığında həyata keçirilən hücumlarda ən azı 12 nəfər ölüb, 30 nəfər yaralanıb. Uçmuş binaların dağıntıları altında axtarış-xilasetmə işlərinin davam etdiyi bildirilib.

Həmçinin Yəmənin şimalındakı Səada şəhərinin də ABŞ-nin hücumlarının hədəfi olduğu qeyd edilib.