Mayın 12-də Türkiyənin Amasya vilayətində 4,2 və 4,4 maqnitudalı iki zəlzələ olub.

AZƏRTAC Türkiyə hökuməti yanında Fövqəladə Halların İdarəedilməsi Departamentinin (AFAD) məlumatına istinadla xəbər verir ki, yerli vaxtla saat 12.23 və 12.26-da qeydə alınmış yeraltı təkanların episentri Gümüşhacıköy rayonunda yerləşib.

Zəlzələ ocağı təxminən 10 kilometr dərinlikdə olub.

Zərərçəkənlər və dağıntılar barədə məlumat verilmir.