Avropa ölkələri İsrailin Cenində diplomatlara atəş açmasını pisləyib.

APA DW-ə istinadən bildirir ki, Aİ ölkələrindən İtaliya və İspaniya İsrail nəzarətində olan Fələstinin İordan çayının qərb sahilindəki Cenin şəhərinə səfər edən Aİ diplomatlarına İsrail əsgərlərinin atəş açmasını pisləyib.

Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas İsraili insidenti araşdırmağa və günahkarları "məsuliyyətə cəlb etməyə" çağırıb:

"Diplomatların həyatına hər hansı təhdidlər qəbuledilməzdir".

İsrail ordusu rəsmisi bildirib ki, diplomatlar müəyyən edilmiş marşrutdan "kənara çıxdıqları" üçün əsgərlər "xəbərdarlıq atəşi" açıblar. Hadisə nəticəsində xəsarət alan olmayıb.