Rusiya Prezidenti Vladimir Putin həqiqətən də ABŞ Prezidenti Donald Trampa Moskvanın Kiyevin son hücumlarına cavab verəcəyini söyləyib.

APA-nın Rusiya bürosu xəbər verir ki, bunu Rusiya prezidentinin mətbuat katibi Dmitri Peskov deyib.

Peskov təsdiqləyib ki, Putin Trampla söhbəti zamanı Rusiyanın Kiyevə aerodromlara hücumlara cavab verəcəyini deyib.

Kreml sözçüsü vurğulayıb ki, cavabın nə vaxt və necə olacağına Rusiya ordusu qərar verəcək.

Qeyd edək ki, Tramp ötən gün bildirib ki, Putin Ukraynanın Rusiya aerodromlarına həyata keçirdiyi hücumuna cavab vermək niyyətindədir.