Səhiyyə mənbələri İsrail ordusunun səhər saatlarından Qəzza zolağının müxtəlif bölgələrinə təşkil etdiyi hücumlar nəticəsində ölənlərdən 30-nun yardım gözləyən mülki vətəndaşlar olduğunu və hücumların əksəriyyətinin Qəzza zolağında “ölüm tələsi” deyilən İsrail və ABŞ tərəfindən idarə olunan humanitar yardım mərkəzləri ətrafında baş verdiyini bildirib.

Qəzza zolağının şimalındakı Şifa xəstəxanası, İsrail əsgərlərinin Qəzza şəhərinin şimal-qərbindəki sözdə yardım paylama sahəsinin yaxınlığında gözləyən fələstinlilərə atəş açması nəticəsində 5 fələstinlinin həlak olduğunu açıqlayıb.

Qəzzanın mərkəzindəki Nusayrat Qaçqınlar Düşərgəsindəki Əl-Avda xəstəxanası "Netzarim dəhlizi" yaxınlığında kömək gözləyən dinc sakinlərə açılan atəş nəticəsində 13 nəfərin öldüyünü, 200 nəfərin yaralandığını bildirib.

Nasser xəstəxanası isə İsrailin cənubundakı Xan Yunis şəhərini atəşə tutması nəticəsində 12 nəfərin öldüyünü açıqlayıb.

Səhiyyə mənbələri, Rəfahda sözdə yardım məntəqəsi yaxınlığında gözləyən insanları hədəf alan hücumda 12 nəfərin öldüyünü bildirib.

Fələstin Telekommunikasiya İdarəsi İsrailin infrastruktura sistemli hücumları səbəbindən Qəzza zolağında internet və stasionar telefon xidmətlərinin tamamilə kəsildiyini açıqlayıb.

Səlahiyyətlilər qeyd ediblər ki, daha öncə təmir edilməsinə baxmayaraq əsas kommunikasiya xətləri hədəfə alınmaqda davam edir.

Fələstin Qızıl Aypara Cəmiyyəti İsrailin rabitə xətlərini hədəf alması səbəbindən Qəzzadakı qruplarla əlaqə saxlamaqda böyük çətinlik yaşadıqlarını və humanitar koordinasiyanın pozulduğunu açıqlayıb.