İsrailin baş naziri Benyamin Netanyahu İrana hücumdan sonra ABŞ Prezidenti Donald Trampa təşəkkür edərək "Yaşasın Amerika" deyib.

Tramp İsrailin İrana hücumlarından sonra verdiyi ilk açıqlamada İranla nüvə müzakirə prosesini davam etdirəcəklərinə ümid etdiklərini ifadə edərək "Lazım gələrsə, İsraili müdafiə edəcəyik" deyə bildirib.

Tramp, "İranın nüvə bombası ola bilməz və ümid edirik ki, danışıqlar masasına qayıdacağıq. Görəcəyik" deyib.

ABŞ dövlət katibi Marko Rubio isə ABŞ-nin hücumlarda iştirak etmədiyini və heç bir dəstək vermədiyini iddia edib. Rubio ABŞ-nin prioritetinin regiondakı Amerika qüvvələrini qorumaq olduğunu vurğulayıb.